反詐騙竟然係詐騙



呢位市民真係好醒,香港警務處係唔會用電話錄音打畀市民㗎﹗大家收到+852嘅來電記住要提高警覺﹗

前日扮入境處,琴日扮內地公安,半個鐘頭前就話係速遞公司,15分鐘前就變埋電訊商,依家仲扮埋我哋反詐騙協調中心,轉妝都轉唔切啦,你仲信佢!?

最新手法

情報顯示,自本月28日開始,有多個不同的電話號碼,皆以+852為字頭,假冒香港警務處(包括反詐騙協調中心)企圖詐騙,訛稱事主有重要文件或被通緝等等,藉此進行詐騙。

緊記

  1. 香港警務處不會以電話錄音形式致電市民。
  2. 防騙三寶 ─「收線、核實、搵求助」,以防被騙。
  3. 切勿向陌生人透露個人資料,包括姓名、身份證號碼、銀行戶口號碼、密碼及結餘等。
  4. 提醒身邊親友,提防受騙。
  5. 切勿將金錢存入陌生人的帳戶。
  6. 如有任何懷疑,即致電「防騙易」熱線18222。